Башқұртстан мен Қазақстан – өзара тиімді 30 жыл.

Башқұртстан мен Қазақстанның сауда-экономикалық байланыс орнатқанына 30 жылдан асты. Башқұртстан Республикасы мен Қазақстан Республикасы арасындағы сауда-экономикалық ынтымақтастық туралы келісімге 1993 жылы қол қойылған, содан бері арадағы байланыс нығая түсті.

Қазір Қазақстан Башқұртстанның негізгі сауда-экономикалық үш серіктесінің бірі саналады және төрт жыл қатарынан өзара сауда көлемі ұлғайып жатыр. 2022 жылы Башқұртстан мен Қазақстан арасындағы сауда айналымы 10% артты. Ал 2023 жылы ол тағы 4,2% өсті. Айта кетерлігі, мұнда Ресей өңірінен көрші елге тауар жөнелту үлесі басым. Негізінен химиялық өнеркәсіп өнімдері, құрылыс материалдары, шикізат, азық-түлік, металл және тоқыма заттар экспортталады.

2024 жылы қаңтарда болған «Қазақстан – Башқұртстан» бизнес-форумында 300-ден аса b2b-кездесу өтті. Нәтижесінде ынтымақтастық туралы 8 келісім және 120-ға жуық уағдаластыққа қол қойылды. Атап айтқанда, «Агидель» кәсіпорны «Алтын Орда» авторлық дизайн үйімен және "Қазақстанның қолөнершілер одағымен" екі келісімге қол қойды. Мал шаруашылығы саласында «Алтын Солок» БР омарта өнімдерін қорғау және ілгерілету жөніндегі өңіраралық орталық" АКЕҰ және "Қазақ мал шаруашылығы және жемшөп өндірісі ғылыми-зерттеу институты" ЖШС келісім жасады. Сонымен қатар «Ресей сапа жүйесі» (Роскачество) АКЕҰ мен "Қазақстанның Халал Индустриясы Қауымдастығы" заңды тұлғалар бірлестігі әріптестік туралы келісімге келді.

«Медстальконструкция» ЖШҰ қазақ компаниясымен бірге Қазақстанда медициналық жиһаз және жабдықтар өндірісін бастағанын да атап өтеміз.

Ресей мен Қазақстанның ХХ өңіраралық ынтымақтастық форумы Башқұртстан мен Қазақстан арасындағы ынтымақтастық аясын кеңейтіп, іскерлік байланысты нығайтуға түрткі болатыны анық.

Ресей мен Қазақстанның өңіраралық ынтымақтастық форумы екі елдің экономикалық, мәдени және гуманитарлық байланысын сақтау және дамыту мақсатында жыл сайын өтеді. 20 жыл ішінде Форум Ресей мен Қазақстанның іскерлік орталары арасында тәжірибелік ынтымақтастық аясын кеңейту және өзара тиімді стратегиялық әріптестікті бекітуге арналған дәстүрлі алаң беделіне ие болды.

Еске салайық, Ресей мен Қазақстанның XX өңіраралық ынтымақтастық форумы 26-27 қарашада Уфадағы жаңа Күрес сарайында болады. Екі күн бойы Ресей мен Қазақстан өңірлері арасындағы сауда-экономикалық әлеуетті жүзеге асыру, екі елдің өңіраралық байланысы мен кооперациясының мүмкіндігін арттыру тақырыбында түрлі талқылау өтеді. Сонымен қатар қонақтарды түрлі оқиғаға толы мәдени бағдарлама күтеді. Мерейтойлық форум нәтижесінде қатысушы елдер 12 түрлі саладағы 140 іс-шараны қамтитын өңіраралық және шекарамаңы ынтымақтастық бағдарламасына қол қояды.

Толық ақпарат алда болатын Ресей мен Қазақстанның өңіраралық ынтымақтастық форумының ресми сайтында: https://russia-and-kazakhstan-forum.com/

Мына сілтеме арқылы тіркелуге болады: https://reg.russia-and-kazakhstan-forum.com/person